Таны эрх зүйн мэдлэгт
ТАНЫ ЭРХ ЗҮЙН МЭДЛЭГТ: ГЭМТ ХЭРГИЙН ТАЛААРХ ГОМДОЛ, МЭДЭЭЛЛИЙГ ХЭД ХОНОГ ШАЛГАХ ВЭ?
Мөрдөгч гэмт хэргийн талаархи гомдол, мэдээллийг хянан үзээд гэмт хэргийн шинж байгаа эсэхийг тогтоох шаардлагатай бол гомдол, мэдээллийг хүлээн авснаас хойш 5 хоногийн дотор дараах мөрдөн шалгах ажиллагаа явуулж болно.
- Үзлэг хийх;
- Шинжилгээнд зориулж дээж, хурууны хээ, ул мөрний хэв авах;
- Хохирогч, гэрч, сэжигтнээс мэдүүлэг авах;
- Хэрэгт ач холбогдол бүхий тээврийн хэрэгсэл, мөнгө, эд зүйлийг хурааж авах;
- Эд хөрөнгийг битүүмжлэх.
- Шинжилгээ хийлгэх шийдвэр гаргах.
Шаардлагатай тохиолдолд мөрдөн шалгах ажиллагаа явуулах албаны дарга энэ зүйлийн 1 дэх хэсэгт заасан хугацааг нэг удаа 14 хүртэл хоногоор сунгаж болно.
