Дэлхийн 60 гаруй оронд үйл ажиллагаа явуулдаг Ханнс-Зайделийн сан Монгол Улсад 1993 онд байгуулагдаж, эрх зүйн эрдэмтэн, хуульчдын хоорондын харилцааг бэхжүүлэх, эрх зүйн шинэчлэлийг дэмжих чиглэлээр үйл ажиллагаагаа явуулж эхэлжээ.
Монгол Улс, Ханнс-Зайделийн сангийн хамтын ажиллагааны 30 жилийн ойг тохиолдуулан прокурорын байгууллагын болон тус сангийн төлөөллүүд 2023 оны 9 дүгээр сарын 13-ны өдөр уулзалт, ярилцлага хийлээ.
Тус арга хэмжээнд Улсын ерөнхий прокурорын газрын дэргэдэх Сургалт, судалгааны хүрээлэнгийн захирал, хууль зүйн ухааны доктор Б.Бат-Орших, Гадаад харилцаа, эрх зүйн туслалцааны хэлтсийн дарга Ж.Болорпүрэв, ХБНГУ-ын Вюрцбургийн их сургуулийн тэнхимийн эрхлэгч доктор, профессор Эрик Хилгендорф нар болон бусад албаны хүмүүс оролцлоо.
Уулзалтаар ХБНГУ-ын болон Монгол Улсын эрх зүйн хамтын ажиллагаа, Эрүүгийн хэрэг хянан шийдвэрлэх тухай хуулийн ялгаа онцлог, дэвшилтэт талын тухай ярилцаж, цаашдын хамтын ажиллагааны талаар санал солилцлоо.
Улсын Ерөнхий Прокурорын Газрын Олон нийттэй харилцах алба
