ЕРӨНХИЙ БОЛОВСРОЛЫН СУРГУУЛИЙН СУРАГЧДЫН ДУНД СУРГАЛТ ЗОХИОН БАЙГУУЛЛАА

Тус прокурорын газрын 1-р улирлын ажлын төлөвлөгөөнд тусгагдсаны  дагуу "Гэмт хэргээс урьдчилан сэргийлэх тухай” хуулийн биелэлт болон ахлах ангийн сурагчид аливаа төрлийн гэмт хэргийн хохирогч, холбогдогч болохоос урьдчилан сэргийлэх зорилгоор Цагдаагийн хэлтсийн хүүхдийн байцаагч, замын цагдаагийн байцаагч нартай хамтран Ерөнхий боловсролын 1,2 дугаар бүрэн дунд сургуулийн ахлах ангийн сурагчдын дунд ахлах прокурор Д.Цогт-Эрдэнэ нь "Эрх зүйн болон өөрийгөө мэдэх зарчим”, Цагдаагийн хэлтсийн хүүхдийн байцаагч цагдаагийн ахлах дэслэгч Б.Мөнхзаяа "Интернет орчинд үйлдэгддэг гэмт хэрэг түүнээс урдчилан сэргийлэх нь”, ахлах хэрэг бүртгэгч цагдаагийн ахмад Ц.Батбаяр нь "Гэмт хэргээс урдчилан сэргийлэх талаар”, замын байцаагч цагдаагийн ахлах дэслэг Б.Жадамба "Шинэчлэн гарсан Замын хөдөлгөөний дүрмийн холбогдох заалтууд” гэсэн сэдвүүдээр сургалт орж, мэдээлэл өгөн харилцан ярилцсан байна.

Дээрх сургалтанд 9-12  ангийн 300 гаруй сурагчид оролцсон ба өөрсдийн санамсар болгоомжгүй болон бусдад уруу татагдсан, иргэн хүний үүргээ биелүүлээгүйн улмаас ямар хор уршиг учирч болох мөн гэмт хэргийн талаар мэдсэн даруйд хууль хяналтын байгууллагад мэдээллэхийн ач тусын талаар ойлгуулж мэдлэг, мэдээлэл өгч, харилцан ярилцах хэлбэрээр явуулсан бөгөөд сургалтын явцад гарсан саналын дагуу сургуулиуд Цагдаагийн хэлтэстэй хамтарсан ПС тоглоомуудын газруудаар эргүүл шалгалт хийх, сургуулийн нийгмийн ажилтан нь сурагчдын эцэг, эхтэй уулзалт хийж мотоцикль унуулахгүй байх талаар анхааруулж зохион байгуулалтын арга хэмжээ авах, 18 насанд хүрсэн сурагч мотоцикль жолоодох эрхийн үнэмлэхтэй болох талаар хүсэлт гаргасан тохиолдолд А эрхийн үнэмлэх авах сургалтанд хамруулах талаар нэгдсэн шийдэлд хүрсэн үр дүнтэй сугргалт болсон байна.