АНХАН ШАТНЫ СУРГАЛТЫН 3 ДУГААР ЭЭЛЖИНД ХАМРАГДСАН ПРОКУРОРУУД СЕРТИФИКАТАА ГАРДАН АВЛАА

Улсын Ерөнхий прокурорын 2016 оны 01 дүгээр сарын 04-ний өдрийн А/03 тушаалаар баталсан "Сургалтын хөтөлбөр”-т тусгагдсан анхан шатны сургалтын хүрээнд 3 дугаар ээлжийн 20 прокурорын сургалт 2016 оны 04-р сарын 11-нээс 22-ны өдрүүдэд Улсын Ерөнхий прокурор газрын "Сургалтын төв”-д боллоо.

Шинэ залуу прокурорын мэргэжлийн ур чадвар, онол, практикийн мэдлэгийг дээшлүүлэхэд чиглэгдсэн уг сургалтанд 1-4 жил ажилласан, 167 прокурор хамрагдах бөгөөд 3-дугаар ээлжинд хамрагдсан прокурорууд 2016 оны 04-р сарын 22-ны өдөр Улсын Ерөнхий прокурорын газрын удирдлагуудаас сертификатаа гардан авлаа.

Энэ үеэр Улсын Ерөнхий прокурорын туслах, Тамгын газрын дарга Ц.Арвинбуудай, Сургалтын төвийн захирал Л.Болд нар сургалтанд хамрагдсан прокуроруудад хандан үг хэлж амжилт хүсээд тэдний сэтгэгдлийг сонсож цаашдын ажилд нь өндөр амжилт хүслээ.