СУМДЫН ГЭМТ ХЭРГЭЭС УРЬДЧИЛАН СЭРГИЙЛЭХ САЛБАР ЗӨВЛӨЛИЙН АЖЛЫГ ШАЛГАЖЭЭ

  1. 2016-04-27
  2. Архив,
  3. 695 уншсан
  4. 1 минут уншина
A- A A+
СУМДЫН ГЭМТ ХЭРГЭЭС УРЬДЧИЛАН СЭРГИЙЛЭХ САЛБАР ЗӨВЛӨЛИЙН АЖЛЫГ ШАЛГАЖЭЭ

Өмнөговь аймаг дахь Сум дундын 1 дүгээр прокурорын газар нь харъяа нутаг дэвсгэрийн хэмжээнд эрүүгийн хууль тогтоомжийн хэрэгжилтийг нэг мөр хангуулах үндсэн чиг үүргийн хүрээнд харъяалагдах Баян-Овоо, Цогтцэций сумдын Гэмт хэргээс урьдчилан сэргийлэх салбар зөвлөлөөс 2016 оны 04 сарын байдлаар урьдчилан сэргийлэх чиглэлээр зохиож буй ажил, түүний үр дүнг тус прокурорын газрын хяналтын прокурор Ц.Бямбадорж, Т.Баярмаа, прокурорын хяналтын ажилд туслах чиг үүрэг бүхий ажилтан Ц.Хулан нарын бүрэлдэхүүнтэй ахлах прокуророор батлуулсан удирдамжийн дагуу 2016 оны 04 дүгээр сарын 21-нээс 22-ны өдрүүдэд тус тус шалгажээ.

Шалгалтаар сумдын гэмт хэргээс урьдчилан сэргийлэх ажлыг зохицуулах салбар зөвлөлүүдээс 2016 онд хийх ажлаа төлөвлөн баталсан боловч улирлын төлөвлөгөөгүй, төлөвлөсөн ажлынхаа биелэлт хэрэгжилтийг тооцоогүй, хийсэн ажил нь материалжуулаагүй, энэ чиглэлээр ажиллавал зохих албан тушаалтнууд, салбар зөвлөлийн гишүүд идэвхи сул, сумандаа үйлдэгдсэн гэмт хэргийн шалтгаан нөхцөлд дүгнэлт хийж гэмт хэрэг зөрчил дахин давтагдахгүй байлгахад чиглэгдсэн ажил хангалтгүй, энэ ажлыг зөвхөн цагдаагийн ажилтнуудын хийх ёстой ажил мэтээр ойлгон орхигдуулсан зөрчлүүд шалгалтаар илэрсэн ба зөрчил, дутагдлыг сумдын Гэмт хэргээс урьдчилан сэргийлэх салбар зөвлөлийн гишүүдийг байлцуулан "Шалгалтын дүнг” дүнгийн хурлаар танилцуулж, илэрсэн зөрчил дутагдлыг арилгуулахаар тус 2 сумын  Гэмт хэргээс урьдчилан сэргийлэх салбар зөвлөлүүдэд прокурорын мэдэгдэл бичиж, холбогдох албан тушаалтнуудад хүргүүлсэн байна.

Шалгалтын үеэр Цогцэций сумын "Соёлын төвд” болсон төрийн байгууллагын албан хаагч, аж ахуй нэгжийн удирдлагууд, иргэдийг оролцуулсан өдөрлөг зохион байгуулж амйгийн прокурорын газрын хяналтын прокурор Т.Баярмаа "Прокурорын байгууллагын танилцуулга, чигүүрэг”, "Прокурор төрийн байгууллагын хүсэлтээр иргэний хэрэг хянан шийдвэрлэх ажиллагаанд оролцох нь” зэрэг сэдвүүдээр мэдээлэл хийж ажилласан ба тус энэ арга хэмжээнд 200 гаруй хүн хамрагдсан байна.