ХАРЪЯАЛАГДАХ СУМДЫН ЕРӨНХИЙ БОЛОВСРОЛЫН СУРГУУЛИУДАД ГЭМТ ХЭРГЭЭС УРЬДЧИЛАН СЭРГИЙЛЭХ ХУУЛИЙН БИЕЛЭЛТИЙГ ШАЛГАЖЭЭ

  1. 2016-04-27
  2. Архив,
  3. 687 уншсан
  4. 1 минут уншина
A- A A+
ХАРЪЯАЛАГДАХ СУМДЫН ЕРӨНХИЙ БОЛОВСРОЛЫН СУРГУУЛИУДАД ГЭМТ ХЭРГЭЭС УРЬДЧИЛАН СЭРГИЙЛЭХ ХУУЛИЙН БИЕЛЭЛТИЙГ ШАЛГАЖЭЭ

Өмнөговь аймаг дахь Сум дундын 1 дүгээр прокурорын газраас Монгол Улсын Гэмт Хэргээс Урьдчилан сэргийлэх тухай хуулийн 9 дүгээр зүйлд заасан "Монгол улсын нутаг дэвсгэрт үйл ажиллагаа явуулж байгаа аж ахуй нэгж, байгууллага, хуулийн этгээд гэмт хэргээс урьдчилан сэргийлэх талаар байгууллагынхаа дотоодод болон үйл ажиллагаа явуулж байгаа хүрээндээ гэмт хэрэг гарч байгаа шалтгаан нөхцлийг арилгах талаар тодорхой арга хэмжээ авах”, "Гэмт хэргээс урьдчилан сэргийлэх зорилгоор холбогдох хууль тогтоомжийг мэдээлэх, сурталчлах үүрэгтэй” гэсэн хуулийн заалтыг үндэслэн тус аймгийн Цогтцэций сумын Мөрөөдөл 6 дугаар сургууль, Т.Борын нэрэмжит Ерөнхий боловсролын бүрэн дунд сургууль, Баян-Овоо сумын Б.Доржийн нэрэмжит 9 жилийн сургуулиудад 2016 оны 04 дүгээр сарын 21-нээс 22-ны өдрүүдэд тус прокурорын газрын хяналтын прокурор Ц.Бямбадорж, прокурорын хяналтын ажилд туслах чиг үүрэг бүхий ажилтан Ц.Хулан нарын бүрэлдэхүүнтэй баг ахлах прокуророор батлуулсан удирдамжийн дагуу шалгажээ.

Шалгалтаар дээрхи сургуулиудад гэмт хэргээс урьдчилан сэргийлэх чиглэлээр 2015 он, 2016 оны 04 дүгээр сарын байдлаар хийж гүйцэтгэсэн ажлыг шалгахад энэ чиглэлээр тодорхой ажил зохион байгуулсан хэдий ч хийсэн ажлын материалжуулалт хангалтгүй, энэ чиглэлээр хийх ажлын төлөвлөгөөгүй, хэрэг, зөрчилд холбогдож болзошгүй хүүхдийн судалгаагүй, сургуулийн сурагч, багш, ажилтнуудад гэмт хэргээс урьдчилан сэргийлэх чиглэлээр сургалт, зохион байгуулах ажил хангалтгүй зэрэг зөрчил илэрсэн ба тус прокурорын газраас Гэмт хэргээс урьдчилан сэргийлэх тухай хуульд заасан үүргээ гүйцэтгэхийг шаардаж, хуулийн хэрэгжилтийг хангуулах, тодорхой ажил зохиолгохоор сургуулиудын захиргаанд прокурорын мэдэгдэл бичиж, холбогдох албан тушаалтнуудад хүргүүлжээ.