ПРОКУРОРУУДЫГ СУРГАЛТАНД ХАМРУУЛЖЭЭ

Улсын Ерөнхий прокурорын газрын Сургалтын төвөөс 2016 оны 03 дугаар сарын 10-ны өдөр ирүүлсэн"Дотоод сургалтын талаар” өгсөн чиглэлийн дагуу Төв аймгийн прокурорын газраас 2016 оны 04 дүгээр сарын 14-ний өдөр Шүүхийн Шинжилгээний Үндэсний хүрээлэнгээс шинжээч нарыг урьж, тус Аймгийн прокурорын газарт сургалт зохион байгуулсан байна.

 

Сургалтанд тус хүрээлэнгийн Шинжилгээний бүртгэл мэдээллийн хэлтсийн дарга, ХСИС-ын доктрант, цагдаагийн дэд хурандаа Г.Очирбат, Криминалистикийн шинжилгээний хэлтсийн дарга, доктор Д.Адилбаяр, Шүүх эмнэлгийн шинжилгээний хэлтсийн дарга, доктор Х.Батбаяр нар "Шүүхийн шинжилгээ, шинжээчийн дүгнэлтийг үнэлэх нь”, "Хэргийн газрын үзлэг, криминалистикийн шинжилгээ”, "Шүүх эмнэлгийн шинжилгээ, гэмтлийн зэрэг тогтоох, үхлийн шалтгаан” зэрэг сэдвүүдээр онол, практикийн сургалт явуулж, прокуроруудаас шинжилгээнд эд зүйлс хүргүүлэх, шинжээчийн дүгнэлтийн ач холбогдол, түүнийг гаргуулахад анхаарах асуудлуудаар харилцан ярилцаж, нэг ойлголтонд хүрсэн байна.