Дээрх уулзалт ярилцлагаар прокурорын байгууллагын үйл ажиллагааг сурталчилж, тус дүүрэгт гарсан гэмт хэрэг зөрлийн талаар мэдээлэл хийж, иргэдийн асуусан асуултанд хариулж, санал бодлоо солилцсон байна.
Багахангай дүүргийн хэмжээнд 2015 оны байдлаар 71 гэмт хэргийн шинжтэй гомдол мэдээллийг хүлээн авч шалгасанаас 20-д нь буюу 28 хувьд нь эрүүгийн хэрэг үүсгэж, 51-г нь эрүүгийн хэрэг үүсгэхээс татгалзаж шийдвэрлэсэн байна. Эрүүгийн хэрэг үүсгэсэн 20 хэргийн 8 нь хөнгөн, 9 нь хүндэвтэр, 1 нь хүнд, 2 нь онц хүнд хэргүүд байжээ.
Харин 2016 оны эхний 1 дүгээр улирлын байдлаар нийт 22 гэмт хэргийн шинжтэй гомдол мэдээлэл хүлээн авч шалгасанаас 8-д нь эрүүгийн хэрэг үүсгэн шалгасан байгаа нь өмнөх оны мөн үетэй харьцуулахад гэмт хэргийн гаралт 31 хувиар өссөн байна.
Дүүргийн прокурорын газраас нутгийн удирдлага болон ГХУСАЗЗөвлөлийн албан тушаалтнуудад дүүргийн хэмжээнд гэмт хэргийн гаралт өсч байгаа талаар танилцуулж, гэмт хэргээс урьдчилан сэргийлэх, гэмт хэргийн гаралтыг бууруулах чиглэлээр тодорхой ажил зохион байгуулах шаардлагатай байгааг анхааруулж ажиллсан байна.
Улсын Ерөнхий Прокурорын Газрын Олон нийттэй харилцах алба
