ШИНЭЭР ТОМИЛОГДСОН ПРОКУРОР ТАНГАРАГ ӨРГӨЖЭЭ

  1. 2016-05-05
  2. Архив,
  3. 1412 уншсан
  4. 1 минут уншина
A- A A+
ШИНЭЭР ТОМИЛОГДСОН ПРОКУРОР ТАНГАРАГ ӨРГӨЖЭЭ

Прокурорын байгууллагын тухай хуулийн 40 дүгээр зүйл, Монгол Улсын Ерөнхийлөгчийн 2002 оны 125 дугаар зарлигийн хавсралтаар батлагдсан "Прокурорын тангараг өргөх ёслолын журам”-д тус тус заасны дагуу Улсын Ерөнхий прокурорын 2016 оны 4 дүгээр сарын 8-ны өдрийн Б/94 дугаар тушаалаар Ховд аймгийн прокурорын газарт Хэрэг бүртгэх, мөрдөн байцаах ажиллагаанд тавих хяналт хариуцсан прокуророор томилогдсон Алтангэрэлийн Анхбаярыг тангараг өргүүлэх ёслолын ажиллагаа 2016 оны 5 дугаар сарын 4-ний өдөр болжээ.

Ёслолын ажиллагаанд Улсын Ерөнхий прокурорын туслах, Тамгын газрын дарга Ц.Арвинбуудай, Улсын Ерөнхий прокурорын газрын хяналтын прокурор С.Галсэлэм, З.Сансарзолбоо нар болон Баян-Өлгий, Увс, Ховд аймгийн Эрүүгийн хэргийн давж заалдах шатны шүүх, Ховд аймаг дахь Сум дундын Эрүүгийн хэргийн анхан шатны шүүхийн шүүгчид, аймгийн болон Булган сум дахь Сум дундын прокурорын газрын прокурор, ажилтнууд, аймгийн Цагдаагийн газар, Шүүхийн шийдвэр гүйцэтгэх албаны удирдлагууд оролцжээ.

Улсын Ерөнхий прокурорын туслах, Тамгын газрын дарга Ц.Арвинбуудай ёслолын ажиллагааны үеэр үг хэлж, шинээр томилогдсон хяналтын прокурор А.Анхбаярт ажлын амжилт хүсэн ерөөж, Ховд аймгийн прокурор, хууль цаазын итгэмжит зөвлөх Н.Доржсүрэн шинээр томилогдсон прокурорт дурсгалын зүйл гардуулсан байна.