ЕРӨНХИЙ БОЛОВСРОЛЫН СУРГУУЛИЙН СУРАГЧДЫГ ОРОЛЦУУЛСАН АРГА ХЭМЖЭЭ ЗОХИОН БАЙГУУЛЖЭЭ

Булган аймгийн прокурорын газар нь Гэмт хэргээс урьдчилан сэргийлэх ажлыг эрчимжүүлэх, прокурорын байгуллагын үйл ажиллагааг ил тод нээлттэй болгох, монгол өв уламжлал, ахуй соёлыг түгээн дэлгэрүүлэх зорилгоор аймгийн Гэр бүл хүүхэд хөгжлийн хэлтэс, Сумын Гэмт хэргээс урьдчилан сэргийлэх ажлыг зохицуулах зөвлөлтэй хамтран "Гэмт хэрэг зөрчилгүй орчин” арга хэмжээг Эрдмийн өргөө цогцолбор сургуулийн 6-аас 11 дүгээр ангийн сурагчдыг оролцуулан зохион байгуулжээ.

Энэ үеэр Туслах прокурор, Тамгын хэлтсийн дарга П.Шижиртуяа "Гэмт хэрэг зөрчлийн үр дагавар”, "Хүүхэд хамгааллын тухай хуулиар”,

Гэр бүл хүүхэд хөгжлийн хэлтсийн мэргэжилтэн Д.Батмөнх "Бага насны хүүхдийн хамгаалал”-ын талаар тус тус сургалт явуулсан байна.

Түүнчлэн хүүхдүүдийн дунд монгол бичгийн "цэвэр бичигтэн”,"хурдан уншигч”, болон "АХА"тэмцээн зэргийг зохион байгуулж тэмцээнд амжилттай оролцсон хүүхдүүдийг "Дурсамж”, мөнгөн шагналаар шагнаж урамшуулжээ.