АЙМГИЙН ЭРҮҮГИЙН ХЭРГИЙН АНХАН ШАТНЫ ШҮҮХТЭЙ УУЛЗАЛТ, ЯРИЛЦЛАГА ЗОХИОН БАЙГУУЛЖЭЭ

 

 

Сэлэнгэ аймгийн прокурорын газраас санаачлан тус аймаг дахь сум дундын Эрүүгийн хэргийн анхан шатны шүүхийн шүүгч нартай 2016 оны 06 дугаар сарын 06-ны өдөр уулзалт, ярилцлага зохион байгуулжээ.

Уулзалтаар шүүхээс нэмэлт хэрэг бүртгэлт, мөрдөн байцаалтанд буцаж байгаа хэргийн шалтгаан нөхцөл болон Эрүүгийн хуулийн тусгай ангийн 166, 175 дугаар зүйлд заасан гэмт хэргийг шийдвэрлэхэд анхаарах асуудал, эд мөрийн баримтыг хэрхэн шийдвэрлэх талаар харилцан ярилцаж нэгдсэн ойлголтонд хүрсэн нь үр дүнтэй ажил болжээ.

Цаашид улсын яллагчийн мэтгэлцэх ур чадварыг дээшлүүлэх зорилгоор нээлттэй болон үзүүлэх шүүх хуралдаан хийж, "Шүүх хуралдаанд улсын яллагчийн мэтгэлцэх” аргачлалаар сургалт зохион байгуулахаар төлөвлөн ажиллаж байна.