ПРОКУРОРЫН БАЙГУУЛЛАГЫН ЗОРИЛГО, ЗОРИЛТЫГ ОРОН НУТАГТ ХЭРЭГЖҮҮЛЭН АЖИЛЛАЖ БАЙНА

  1. 2016-06-10
  2. Архив,
  3. 727 уншсан
  4. 1 минут уншина
A- A A+
ПРОКУРОРЫН БАЙГУУЛЛАГЫН ЗОРИЛГО, ЗОРИЛТЫГ ОРОН НУТАГТ ХЭРЭГЖҮҮЛЭН АЖИЛЛАЖ БАЙНА

 

Төв аймгийн Прокурорын газраас 2016 онд гэмт хэргээс урьдчилан сэргийлэх ажлыг эрчимжүүлэх зорилгоор тус аймгийн Зуунмод суманд үйл ажиллагаа явуулдаг 31 төрийн байгууллагыг 15 прокурорт хувиарлан өгч ажиллаж байгаа ажээ.

 

Прокурорууд 2016 оны эхний 6 сарын байдлаар хариуцсан төрийн байгууллага дээр очиж ажиллахдаа тухайн байгууллагаас дээрх хугацаанд гэмт хэрэг, зөрчилд холбогдсон хүмүүсийг судлан тэдний үйлдэлд дүгнэлт хийж, ямар хууль тогтоомжийн талаар мэдээлэл хийх талаар урьдчилан төлөвлөгөө боловсруулж яриа, таниулга хийсэн нь ач холбогдолтой болжээ.

Мөн Прокурорын байгууллагын чиг үүрэг, үйл ажиллагааны талаар болон тус аймгийн нутаг дэвсгэрт үйлдэгдэж буй эрүүгийн хэргийн нөхцөл байдлын талаар мэдээлэл хийсэн байна. Дээрх үйл ажиллагаанд 22 төрийн байгууллагын 280 гаруй алба хаагч нарыг хамруулжээ.