ЭМНЭЛГИЙН ЧАНАРТАЙ АЛБАДЛАГЫН АРГА ХЭМЖЭЭ ХОЛБОГДОХ ХУУЛЬ ЖУРАМД НИЙЦЭЖ БАЙГАА ЭСЭХИЙГ ШАЛГАЖЭЭ

 

Баянзүрх дүүргийн прокурорын газрын 2 дугаар улирлын төлөвлөгөөнд тусгагдсаны дагуу эмнэлгийн чанартай албадлагын арга хэмжээ холбогдох хууль, журамд заасны дагуу хэрхэн хэрэгжиж байгааг Сэтгэцийн эрүүл мэндийн үндэсний төвийн Шүүх сэтгэц эмгэг судлалын 7 дугаар клиникт Нийслэлийн Баянзүрх дүүргийн мэргэжлийн хяналтын хэлтсийн эмчилгээний чанарын хяналтын улсын байцаагч О.Ёндонцоог оролцуулан 2016 оны 05 дугаар сарын 25-наас 27-ны өдрүүдэд шалгасан ба "Гэмт хэрэг үйлдсэн сэтгэцийн өвчтэй, согтуурах, мансуурах донтой этгээдийг албадан эмчлэх нөхцөл журам”-ын заалт зөрчсөн зөрчлийг арилгуулахаар прокурорын шаардлага бичсэн байна.

Эрүүл мэндийн сайдын 1996 оны А/34 тоот тушаалаар батлагдсан дээрх журмын заалтууд шинээр батлагдсан хуулийн заалтуудтай зөрчилдөж байх тул уг журмыг хуульд нийцүүлэн шинэчлүүлэх саналыг Улсын Ерөнхий прокурорын газарт уламжлахаар шийдвэрлэжээ.