ЭРҮҮГИЙН БОЛОН ЗАХИРГААНЫ ЗӨРЧЛИЙН ХЭРЭГ БҮРТГЭХ АЖИЛЛАГААГ ШАЛГАЖЭЭ

Сүхбаатар аймгийн Прокурорын газрын 2 дугаар улирлын ажлын төлөвлөгөөнд тусгагдсаны дагуу Аймгийн прокурорын орлогч Н.Эрдэмбилэгээр ахлуулсан ажлын хэсэг Сүхбаатар аймгийн Эрдэнэцагаан сумынЗасаг даргын дэргэдэх "Захиргааны журмаар эд зүйл хураах, улсын орлого болгох, устгах орон тооны бус зөвлөл”-ийн үйл ажиллагаатай танилцжээ.

 

Мөн энэ үеэр Мал үржил, эрүүл ахуй, байгаль орчин, татвар, нийгмийн даатгалын эрх бүхий улсын байцаагч нарын захиргааны зөрчлийн хэрэг бүртгэлтийн ажиллагаа, Цагдаагийн хэсгийн эрүүгийн хэрэг бүртгэлтийн ажиллагааг  тус тус шалган, дүнг хамт олонд нь танилцуулж цаашид анхаарч ажиллах асуудлаар чиглэл, зөвлөмж өгчээ.

Түүнчлэн УЕПГ-ын нэгдсэн удирдамжийн дагуу Бичигт боомт дахь Гаалийн эрх бүхий улсын байцаагчдын захиргааны зөрчлийн хэрэг бүртгэх хэрэг бүртгэх ажиллагааг газар дээр нь шалгаж, холбогдох баримт, материал болон хураан авсан эд зүйлийн хадгалалт, хамгаалалттай танилцсан байна.