ЗАМ ТЭЭВРИЙН ОСОЛ, ХЭРГЭЭС УРЬДЧИЛАН СЭРГИЙЛЭХ АЖЛЫН ХҮРЭЭНД АВТОБУСНЫ ЖОЛООЧ НАРТ СУРГАЛТ ЯВУУЛЖЭЭ

  1. 2016-06-23
  2. Архив,
  3. 661 уншсан
  4. 1 минут уншина
A- A A+
ЗАМ ТЭЭВРИЙН ОСОЛ, ХЭРГЭЭС УРЬДЧИЛАН СЭРГИЙЛЭХ АЖЛЫН ХҮРЭЭНД АВТОБУСНЫ ЖОЛООЧ НАРТ СУРГАЛТ ЯВУУЛЖЭЭ

Тээврийн прокурорын газрын Шүүхэд төрийг төлөөлөх ажил хариуцсан, туслах прокурор Ц.Дагвадорж Нийтийн тээврийн үйл ажиллагаа эрхэлдэг "ЭРДЭМ ТРАС” ХХК-ний хүсэлтээр  2016 оны 06 дугаар сарын 20-нд тус компанийн автобусны жолооч, инженер техникийн ажилтан нарт Тээврийн хэрэгслийн хөдөлгөөний аюулгүй байдал, ашиглалтын журмын эсрэг гэмт хэргээс урьдчилан сэргийлэх талаар яриа таниулга хийж, Замын хөдөлгөөний аюулгүй байдлын тухай хууль тогтоомжийн талаар асуусан асуултад хариулт өгч ажиллажээ.
Тус компанийНшалгах механикууд өглөө бүр тээврийн хэрэгсэлийн бүрэн бүтэн байдал, гэрэл, дохио, хөдөлгүүрийн ажиллагаа, автобусны жолооч нарын жолоодох эрхийн үнэмлэх болоод согтууруулах ундаа хэрэглэсэн эсэхийг шалгаж ”Автобусны шалгалтын хуудас”-ыгбөглөн, зам тээврийн осол, зөрчилгүй ажиллах талаар зааварчилгаа өгч ажилд нь гаргадаг журам тогтоосон байна.
Мөн Замын цагдаагийн газрын болон дүүргийн замын цагдаагийн тасгийн байцаагч нараар Замын хөдөлгөөний аюулгүй байдлын тухай хууль, тогтоомж, зам тээврийн ослоос урьдчилан сэргийлэх талаар зөвлөгөө, сургалтыг байнга зохион байгуулж ажиллаж байгаа талаарх материалаа сургалт явуулсан прокурорт танилцуулж дүнтэй ажил зохион байгуулсан байна гэсэн дүгнэлт авчээ. Сургалтанд 57 хүн хамрагдсан байна.