Явган аялалын үеэр нийт прокурор, ажилтнуудын дунд гар бөмбөг, хөл бөмбөгийнтэмцээн зохион байгуулж амжилттай оролцсон баг тамирчдыг шагнаж урамшуулсан байна.
Төр хурахын амны товч түүхээс дурьдвал:
1696 онд Халх-Ойрадын дайн дуусч, Өндөр гэгээн Занабазар Долнуураас буцаж ирэх замд Богдхан уулын Төрхурахын аманд хан, ван, гүн, бэйл, бэйс тэргүүтэн ихэс ноёд нь, Шажин хурахын аманд хутагт хувилгаад, лам нар отоглон бууж Хонхорын Цагаан толгой, Бумбан толгой хоёрыг тахиж Анхдугаар Богд Жавзандамбын насан хутагт бат оршихыг бэлгэдэн мандал өргөж эрийн гурван даншиг наадам хийжээ.
Үүнээс үүдэлтэйгээр энэхүү зэрэгцээ хоёр амыг Төрхурахын, Шажинхурахын ам гэж нэрлэсэн байна. Шажинхурахын амны дунд хирд, Саран цохио өөд өгсөх богинохон амны адагт нэгэн сайхан дэнж дээр олон тооны дөрвөлжин булш байдаг байна. Энэ аманд шагай харваачид жил бүр цугларч шагай харвадаг уламжлалтай байжээ.
Улсын Ерөнхий Прокурорын Газрын Олон нийттэй харилцах алба
