ТАТВАРЫН БАЙГУУЛЛАГТАЙ ХАМТАРСАН ЗӨВЛӨГӨӨН ХИЙЖЭЭ

Улсын Ерөнхий Прокурор, Татварын Ерөнхий газрын даргын 2012 оны 07 дугаар сарын 27-ны өдрийн 104 тоот хамтарсан тушаалын хавсралтаар батлагдсан "Прокурорын байгууллага, Үндэсний татварын албаны хамтран ажиллах журам”-ын хүрээнд Говьсүмбэр аймгийн Прокурорын газраас тус аймгийн Татварын хэлтэстэй 2016 онд хамтран ажиллах үйл ажиллагааны төлөвлөгөөгөө баталжээ.

Төлөвлөгөөний дагуу 2016 оны 06 дугаар сарын 15-ны өдөр Татварын хэлтэстэй хамтарсан зөвлөгөөнийг зохион байгуулж 2016 оны хагас жилийн байдлаар төлөвлөсөн ажлын биелэлтийг тооцож, татварын хэлтсийн байцаагч нарт захиргааны зөрчлийн хэрэг бүртгэлтийн ажиллагаа явуулахад анхаарах асуудлын талаар мэдээлэл хийсэн байна.

Мөн энэ арга хэмжээний үеэр иргэн, аж ахуйн нэгж байгууллага татвар төлөөгүй болон төлөхөөс зайлсхийсэн зөрчил байгаа эсэх талаар тодруулж тус прокурорын газраас шүүхэд төрийн эрх ашгийг хамгаалан зохигчийн эрхтэйгээр оролцож хамтран ажиллахболомж байгааг тайлбарлан өгснөөр Татварын хууль тогтоомж зөрчиж татвар төлөхөөс зайлсхийсэн "Бигом Чойр" ХХК-ний талаар ирүүлсэн материалыг хүлээн авч шийдвэрлэж хамтран ажиллажээ.