НИЙСЛЭЛ, ДҮҮРГИЙН ПРОКУРОРУУД ЗӨВЛӨЛДЛӨӨ

  1. 2016-07-26
  2. Архив,
  3. 1344 уншсан
  4. 1 минут уншина
A- A A+
НИЙСЛЭЛ, ДҮҮРГИЙН ПРОКУРОРУУД ЗӨВЛӨЛДЛӨӨ

Нийслэлийн прокурорын газраас 2016 оны 07 дугаар сарын 26-ны өдөр Нийслэл, дүүргийн прокурорын газруудын хамтарсан зөвлөгөөнийг зохион байгуулжээ.
Тус арга хэмжээний үеэр Нийслэлийн прокурорын туслах, ХБМБАХТ 1 дүгээр хэлтсийн дарга Ж.Ариунаа Нийслэл, дүүргийн прокурорын газруудаас 2016 оны эхний хагас жилд тус хяналтын чиглэлээр хийж гүйцэтгэсэн ажлыг өмнөх оныхтой харьцуулан судалж, дүн шинжилгээ хийсэн талаар танилцуулан, прокурорын хяналтыг хэрэгжүүлэх явцад тулгарч буй хүндрэл бэрхшээл, түүнийг шийдвэрлэх арга зам, цаашид анхаарвал зохих асуудлаар прокурорууд харилцан ярилцаж, санал солилцсон байна.

Мөн зөвлөгөөнд УЕПГ-ын Шүүхэд төрийг төлөөлөх хэлтсийн хяналтын прокурор Г.Буяннэмэх оролцож "Прокурор иргэн болон захиргааны хэрэг хянан шийдвэрлэх ажиллагаанд төрийг төлөөлж оролцоход анхаарах асуудал” сэдвээр сургалт явуулсан нь прокуроруудад ач холбогдолтой, үр өгөөжтэй сургалт болжээ.

Зөвлөгөөний эцэст Нийслэлийн прокурор Б.Амгаланбаатар зөвлөгөөнөөс гаргасан шийдвэрийг танилцуулж, Нийслэл, Дүүргийн прокурорын газрын прокуроруудад тодорхой үүрэг даалгавар өгсөн байна.