АЛБАНЫ ӨДРӨӨР АХМАД ПРОКУРОРТОЙ УУЛЗАЛТ ЗОХИОН БАЙГУУЛЖЭЭ

Монгол Улсын Засгийн газрын 2015 оны 06 дугаар сарын 08-ны өдрийн 299 дүгээр тогтоолоор жил бүрийн 8 дугаар сарын 14-ний өдрийг "Прокурорын албаны өдөр” болгон тэмдэглэн өнгөрүүлэхтэй холбогдуулан прокурорын байгууллагад олон жил үр бүтээлтэй ажиллаж байгаа хяналтын прокурор Д.Бат-Өлзий Өвөрхангай аймгийн Хархорин сум дахь сум дундын прокурорын газрын прокурор, ажилтнуудад ажлын туршлагагаасаа хуваалцаж цугтаа ажиллаж байсан хамт олныхоо талаар дурсамжаасаа хуваалцжээ.

Хяналтын прокурор Д.Бат-өлзий нь анх 1983 оноос Завхан аймгийн Тосонцэнгэл сум дахь сум дундын прокурорын газраас ажлын гараагаа эхэлж прокурорын байгууллагад тасралтгүй 33 жил ажилласан ахмад прокурор бөгөөд "Прокурорын албаны өдөр"-ийг тохиолдуулан Сум дундын прокурорын газрын хамт олноос "Батламж, дурсгалын зүйл” хадгалуулсан байна.