ХУУЛИЙН БАЙГУУЛЛАГУУДЫН ДУНД “ПРОКУРОРЫН АЛДАР-2016” ТЭМЦЭЭН ЗОХИОН БАЙГУУЛЖЭЭ

 

Ховд аймгийн Булган сум дахь Сум дундын прокурорын газраас "ПРОКУРОРЫН АЛБАНЫ ӨДӨР”-ийг тэмдэглэн өнгөрүүлэх ажлын хүрээнд Ховд аймгийн Булган, Алтай, Үенч, Мөст, Цэцэг сумдад үйл ажиллагаа явуулдаг хуулийн байгууллагуудын ажилтан, албан хаагчдын дунд "ШИРЭЭНИЙ ТЕННИС”-ний аварга шалгаруулах "ПРОКУРОРЫН АЛДАР-2016” тэмцээнийг 2016 оны 08 дугаар сарын 14-ний өдөр зохион явуулжээ.

 

Тэмцээнд Ховд аймгийн Булган сум дахь Сум дундын шүүх, Ховд аймгийн Булган сум дахь Сум дундын цагдаагийн хэлтэс, Гал унтраах аврах 38-р ангийн Ховд аймгийн Булган сум дахь хэлтэс, Зэвсэгт хүчний 305 дугаар анги, Ховд аймгийн Булган сум дахь Гаалийн газар зэрэг 11 байгууллагынтөлөөлөл 11 тамирчин хурд хүч, авхаалж самбайгаа сорин өрсөлдсөнөөс:

тэргүүн байрыг : Зэвсэгт хүчний 305 дугаар ангийн тамирчин ахлагч Б.Пунцагдаш,

дэд байрыг :  Гал унтраах аврах 38-р ангийн Ховд аймгийн Булган сум дахь хэлтсийн тамирчин онцгой байдлын ахлагч Д.Очбадрах,

гутгаар байрыг : Ховд аймгийн Булган сум дахь Сум дундын цагдаагийн хэлтсийн тамирчин цагдаагийн дэд ахлагч Б.Мөнх-Эрдэнэ нар эзэлж алт, мөнгө, хүрэл медиаль, өргөмжлөл, мөнгөн шагналаар шагнагджээ.