БАЙГАЛИЙН ҮЗЭСГЭЛЭНТ ГАЗРААР АЯЛЖЭЭ

Сүхбаатар дүүргийн прокурорын газраас "Прокурор, ажилтнуудын нийгмийн баталгааг хангах, эрүүл мэндийг хамгаалах хөтөлбөр”-ийг хэрэгжүүлэх ажлын хүрээнд аялал зохион байгуулахаар төлөвлөсний дагуу 2016 оны 9 дүгээр сарын 9-нээс 11-ний өдрүүдэд Дундговь аймгийн Өлзийт сумын "Цагаан суварга”, Өмнөговь аймгийн Ханбогд сумын "Дэмчигийн хийд” чиглэлд 3хоногийн аялал зохион байгуулжээ.

Аялалын явцад байгалийн өвөрмөц тогтоц бүхий газрууд болох Говийн догшин хутагт Данзанравжаагийн 1840-өөд онд бүтээн босгосон "Галбын 3 хийдийг үзэж сониорхохын зэрэгцээ Тавантолгой, Оюутолгой компаниудын үйл ажиллагаа, "Энержи ресоурс” ХК-ны бүтээн байгуулалттай танилцсан байна

Аялалын явцад Сүхбаатар дүүргийн прокурорын газрын хамт олныг Дундговь аймаг болон Өмнөговь аймгийн Ханбогд сум дахь Сум дундын прокурорын газрынхан хүлээн авч уулзан туршлага солилцжээ.