АХЛАХ АНГИЙН СУРАГЧДЫН ДУНД “ЗӨРЧИЛ, ГЭМТ ХЭРГИЙН ЯЛГАА” СЭДЭВТ ЭССЭ БИЧЛЭГИЙН УРАЛДААН ЗАРЛАЖЭЭ

 

Сэлэнгэ аймгийн прокурорын газраас гэмт хэргээс урьдчилан сэргийлэх ажлын чанарыг сайжруулах зорилгоор тодорхой ажлуудыг зохион байгуулах, сум дундын прокурорын газруудынхаа хийсэн ажлыг сар, улирлаар дүгнэжзаалт чиглэл өгч ажиллах, аймгийн Гэмт хэргээс урьдчилан сэргийлэх ажлыг зохицуулах Зөвлөлтэй хамтарч сумдад хууль тогтоомжийг сурталчлах ажлуудыг тогтмолжуулж ажиллаж байгаа бөгөөд насанд хүрээгүй хүүхдүүдийг гэмт хэрэг, зөрчилд орохоос урьдчилан сэргийлэх зорилгоор аймгийнхааЕрөнхий боловсролын сургуулиудын ахлах ангийн сурагчдын дунд "Зөрчил, гэмт хэргийн ялгаа” сэдвээр эссэ бичлэгийн уралдааныг 2016 оны 09 дүгээр сарын 19-23-ны өдрүүдэд зохион байгуулжээ.

 

Уралдаанд нийт 40 гаруй сурагчид оролцож 42 эссэ ирүүлснээс нэгдүгээр байрт Улсын тэргүүний 2 дугаар сургуулийн 12б ангийн сурагч О.Содгэрэл, хоёрдугаар байрт 12б ангийн сурагч О.Анужин, гуравдугаар байрт 12а ангийн сурагч Б.Бадрал нар тус тус шалгарч дурсгалын зүйл болон мөнгөн шагналаар шагнуулжээ.

Уралдаанд оролцсон хүүхдүүдийг аймгийн прокурорын газрын үйл ажиллагаатай танилцуулсны зэрэгцээ "Хүүхэд ба гэмт хэрэг” сэдэвт видео бичлэг үзүүлж харилцсан ярилцсан нь үр дүнтэй ажил болсон байх бөгөөд хүүхдүүд гэмт хэрэг, зөрчилд орохгүй байх, цаашид мэргэжлээ зөв сонгох, прокурорын байгууллагын талаар тодорхой ойлгож мэдэж авахад чиглэсэн үр дүнтэй арга хэмжээ болсон талаар сэтгэгдлээ илэрхийлжээ.