ПРОКУРОР, АЖИЛТНУУД ГАЛЫН АЮУЛГҮЙ БАЙДЛЫН ТАЛААР СУРГАЛТАНД ХАМРАГДЛАА

Дорноговь аймгийн прокурорын газраас УлсынЕрөнхий прокурорын 2015 оны 05 дугаар сарын 29-ний өдрийн А/63дугаартай тушаалаар батлагдсан "Прокурорын байгууллага, прокурор, ажилтны аюулгүй байдлыг хангах журам”-ыгхэрэгжүүлэх ажлын хүрээнд хийх ажлынжагсаалт гаргаж, Аймгийн прокурорын газраас Онцгой байдлын газрын дарга хурандаа А.Ганжаргалыг урьж прокурорын газрын конторын барилгад гал унтраах зориулалттай усан хангамжийн системээр тоноглох, прокурор, ажилтнуудад сургалт зохион байгуулах, аймгийн прокурорын газрын Гамшгаас хамгаалах ажлын төлөвлөгөөг тодотгох, галын аюулгүй байдлын талаар дүгнэлт гаргуулах зэрэг асуудлаар харилцан ярилцжээ.

Сургалтыг Аймгийн Онцгой байдлын хэлтсийн галын хяналтын улсын байцаагч, ахлах дэслэгч Б.Батбаяр явуулж Галын аюулгүй байдал, гал түймрийн тухай ойлголт, гал түймрийн аюултай хүчин зүйлс, гал түймэр гарахад анхаарах асуудлын талаархи зөвлөмж зэрэг сэдвээрхичээл зааж, гал гарсан үед унтраах зориулалтын багаж хэрэгслийг хэрхэн ажиллуулах талаар практик сургалт зохион байгуулсан нь үр дүнтэй болсон байна.