ТУСЛАХ АЖИЛТНУУДАА ШАЛГАЛТАД БЭЛТГЭЖ БАЙНА

Улсын Ерөнхий прокурорын газраас 2016 оны 08 дугаар сарын 09-ны өдөр ирүүлсэн чиглэлийн дагуу прокурорын болон захиргааны чиг үүргийг хэрэгжүүлэхэд туслах ажилтнуудын эрх зүйн мэдлэгийн түвшинг шалгах чиглэлийн дагуу Булган аймгийн прокурорын газар нь сургалтын хөтөлбөр, төлөвлөгөө гарган хууль тогтоомж, эрх зүйн баримт бичгийг прокуроруудад хувиарлан өгч туслах ажилтнуудыг шалгалтанд бэлтгэж байна.

Сургалтыг явуулахдаа прокурорууд хувиарлагдсан хууль тогтоомж, эрх зүйн баримт бичгийн чиглэлийн хүрээнд үндсэн хуулийн болон эрүүгийн эрх зүйн тест бөглүүлэх, хичээл заах, тогтоолын төсөл бичүүлэх зэрэг арга хэлбэрээр сургалтыг зохион байгуулж аль болох чанар, үр дүнтэй байлгахад анхаарч ажиллаж байгаа ажээ.

Мөн дээрх ажлын хүрээнд 2016 оны 09-р сарын 27-ны өдөр захиргааны болон прокурорын чиг үүргийг хэрэгжүүлэхэд туслах ажилтнуудаас эрх зүйн мэдлэгийн түвшинг шалгах 30 асуулт бүхий сонжуур боловсруулан шалгалт авч үнэлэлт, дүгнэлт өгчээ.