АВТОТЭЭВРИЙН ҮНДЭСНИЙ ТӨВ ТӨРИЙН ӨМЧИТ ҮЙЛДВЭРИЙН ГАЗРЫН ЗАМЫН-ҮҮД ДЭХ САЛБАРЫН ЗАХИРГААНЫ ХЭРЭГ БҮРТГЭЛТИЙН АЖИЛЛАГААГ ШАЛГАЖЭЭ

Дорноговь аймгийн Замын-Үүд дэх Сум дундын прокурорын газраас Автотээврийн улсын байцаагч нараас явуулж байгаа захиргааны хэрэг бүртгэлтийн ажиллагаа хууль тогтоомжинд нийцэж байгаа эсэхийг2016 оны эхний 8 сарын байдлаар шалгажээ.

Шалгалтаар захиргааны хэрэг бүртгэлтийн ажиллагаа явуулсан 78 материалыг хянахад захиргааны шийтгэл хүлээж буй этгээдэд гомдол гаргах эрхийг нь тайлбарлаж өгдөггүй, зөрчлийн тэмдэглэлийг Захиргааны хариуцлагын тухай хуулийн 12 дугаар зүйлд зааснаар бичдэггүй, шийтгэврийн хуудсанд хариуцлага хүлээлгэх хуулийн заалтыг буруу бичдэг зэрэг зөрчлүүд илэрсэн байна.

Шалгалтын дүнг Автотээврийн үндэсний төв төрийн өмчит үйлдвэрийн газрын Замын-Үүд дэх салбарын удирдлага, улсын байцаагч болон прокуроруудыг оролцуулан танилцуулж, хариуцлага тооцох хуулийн заалтыг буруу бичсэн 38 шийтгэврийн хуудсанд прокурорын тогтоолоор өөрчлөлт оруулж, илэрсэн зөрчлийг арилгуулах талаар прокурорын шаардлага бичжээ.