МОНГОЛ ПРОКУРОРУУДАД ЗОХИОН БАЙГУУЛСАН СУРГАЛТЫН МАТЕРИАЛ...

Тайваны арал Хятадын зүүн өмнөд эргээс холгүй, эх газраас 160 км-ийн зайтай, Номхон дөлгөөн далайн баруун хэсэгт орших арал. Хамгийн өндөр уул нь бараг 4000м, уул, толгод зонхилсон үржил шимтэй сайхан нутагтай. Номхон дөлгөөн далайн энэ нэгэн арал дээр 36,188 ам.км нутагт 22 сая хүн амьдардаг. Далайн зөөлөн уур амьсгалтай, мөнх ногоон.

Тайваны нийслэл Тайбэй хот 3 сая хүн амтай.Тайван 1895-1945 онд Японы эзэмшилд байжээ. Тайбэй хотын хувьд энэ он жилүүд хамгийн их бүтээн байгуулалтын нь үе байсан гэнэ. Тайваны хүн ам нь үндсэндээ хань үндэстнээс бүрдэнэ. Албан ёсны хэл нь хятад хэлний мандарин аялга. Боловсрол өндөр хөгжсөн, 1928 онд байгуулагдсан Тайваны их сургууль зэрэг дэлхийн түвшиний их сургуулиудтай. Тайвань 1971 он хүртэл НҮБ-д Хятадыг төлөөлж байгаад БНХАУ-д байр сууриа алджээ. Одоо Хятадын нэг муж гэж явдаг ч бие даасан үндэсний мөнгөн тэмдэгттэй, олон намын тогтолцоотой, Парламентын засаглалтай юм байна.

Тайваны Хууль зүйн яамны Шүүгчдийн академийн Монголын прокуроруудын 13 дахь удаагийн сургалтанд Улс, Нийслэл, Аймаг, Тээвэр, дүүргийн 20 прокурор хамрагдан 2016 оны 08 дугаар сарын 22-ны өдрөөс 2016 оны 09 дүгээр сарын 02-ны өдөр хүртэлх хугацаанд хуулийн  байгууллагуудын үйл ажиллагаа болон тодорхой төрлийн гэмт хэргүүдийг шалгаж илрүүлэн, хяналт тавьж байгаа туршлагатай танилцлаа. Энэ удаагийн сургалтын хөтөлбөрийг өмнө сургалтанд хамрагдаж байсан прокуроруудын саналыг үндэслэн Тайпэй хотын прокурорын газар, Шийдвэр гүйцэтгэх газар болон зарим хорих газруудын үйл ажиллагаа, мансууруулах бодис, мөнгө угаах гэмт хэрэгтэй хэрхэн тэмцэж байгаа талаар товч танилцуулж, тус нутгийн байгаль, ард түмний зан заншилтай танилцуулахаар боловсруулсан байна.