ЗАМ ТЭЭВРИЙН ОСЛООС УРЬДЧИЛАН СЭРГИЙЛЭХ АЖИЛ ЗОХИОН БАЙГУУЛЖЭЭ

  1. 2016-11-10
  2. Архив,
  3. 614 уншсан
  4. 1 минут уншина
A- A A+
ЗАМ ТЭЭВРИЙН ОСЛООС УРЬДЧИЛАН СЭРГИЙЛЭХ АЖИЛ ЗОХИОН БАЙГУУЛЖЭЭ

Баян-Өлгий аймагт 2016 он гарсаар зам тээврийн осол өмнөх онуудаас эрс нэмэгдэж, ослын улмаас иргэд  амь насаа алдаж, хөнгөн, хүнд гэмтэл авсан тохиолдлууд гарсаар байна.

 

Энэ асуудалд Баян-Өлгий аймгийн прокурорын газраас судалгаа хийхэд 2016 оны эхний 3 улирлын байдлаар 18 ослын улмаас 21 хүн нас барж 2 хүн хүнд, 7 хүн хүндэвтэр, 3 хүн хөнгөн гэмтэл авсан ба насанд хүрээгүй 9 хүүхэд амь насаа алджээ.

Иймд тус прокурорын газраас иргэд тээврийн хэрэгсэл жолоодохдоо согтууруулах ундаа хэрэглэхгүй байх, хөдөлгөөнд оролцохдоо хурдаа тохируулж, замын бартаа саадтай хэсэгт анхаарал болгоомжтой явах, тээврийн хэрэгслийн бүрэн бүтэн байдлыг хангаж байхыг онцгой анхааруулсан сэрэмжлүүлгийг орон нутгийн радио, телевизээр явуулж ажиллажээ.