ЕРӨНХИЙ БОЛОВСРОЛЫН СУРГУУЛИЙН СУРАГЧДЫГ СУРГАЛТАНД ХАМРУУЛЖЭЭ

Завхан аймгийн Прокурорын газраас Монголын хуульчдын холбооноос ирүүлсэн сургалтын материал, удирдамжийн дагуу тус аймгийн Ерөнхий боловсролын Дэвшил сургууль, 3-р сургуулиудын 10-12 дугаар ангийн 319 сурагчдад 2016 оны 11 дүгээр сарын 14-17-ны өдрүүдэд гэмт хэргээс урьдчилан сэргийлэх чиглэлээр сургалт зохион байгуулжээ.

 

Сургалтын явцад Прокурорын байгууллагын үйл ажиллагаа, Гэмт хэрэг, зөрчлийн тухай ойлголт, хуулийн байгууллагуудын гэмт хэргээс урьдчилан сэргийлэх чиглэлээр хийж гүйцэтгэж буй ажил, гэмт хэрэг зөрчилд холбогдохгүй байх, гэмт халдлага, эрсдлээс өөрийгөө хамгаалах талаар тодорхой мэдлэг, чадварыг эзэмшүүлэх талаар яриа таниулга хийж, Монгол Улсын Эрүүгийн хуулийн тусгай ангид заасан хүчиндэх /126/, бусдын эд хөрөнгийг хулгайлах /145/, бусдын эд хөрөнгийг дээрэмдэх /147/, танхайрах /181/  гэмт хэргүүдийн талаар ойлголт өгөх, урьдчилан сэргийлэх сургалтыг зохион байгуулжээ.