ХОРИХООС ӨӨР ТӨРЛИЙН ЯЛЫН БИЕЛЭЛТЭД АХИЦ ГАРЧЭЭ

  1. 2016-11-29
  2. Архив,
  3. 397 уншсан
  4. 1 минут уншина
A- A A+
ХОРИХООС ӨӨР ТӨРЛИЙН ЯЛЫН БИЕЛЭЛТЭД АХИЦ ГАРЧЭЭ

Хорихоос өөр төрлийн ялын биелэлтийн талаар тодорхой ажлуудыг зохион байгуулж үр дүнд хүргэх талаар Улсын Ерөнхий прокурорын газраас ирүүлсэн 2016 оны 10 дугаар сарын 07-ны өдрийн албан бичгийн дагуу Сүхбаатар аймгийн прокурорын газраас аймгийн Эрүүгийн хэргийн анхан шүүх, Цагдаа, Шүүхийн шийдвэр гүйцэтгэх албатай хамтарсан зөвлөгөөн зохион байгуулан гарч буй хүндрэл бэрхшээл, цаашид анхаарах асуудлын талаар санал солилцож үүрэг чиглэл өгч ажиллажээ.

 

Түүнчлэн Улсын Ерөнхий прокурорын газраас өгөгдсөн үүрэгт нэр дурдагдсан эд хөрөнгө хураах ялыг бүрэн биелүүлэх үүднээс шүүхийн шийдвэр гүйцэтгэх ажиллагааг шуурхай зохион байгуулж И.Хүрэлбаатар, О.Мөнхбаатар нарт ногдуулсан 1,5 сая төгрөгний эд хөрөнгө хураах нэмэгдэл ял, Н.Отгонжаргалд холбогдох 9.792.000 төгрөгийн торгуулийн ялыг тус тус бүрэн биелүүлсэнээр хорихоос өөр төрлийн ял 100 хувийн биелэлтэй болжээ.

Тус аймгийн прокурорын газраас ирэх 12 дугаар сард хорихоос өөр төрлийн ял эдлэлтийн талаар Эрүүгийн хэргийн анхан шатны шүүх, Цагдаагийн газар, Шүүхийн шийдвэр гүйцэтгэх газартай хамтарсан "ХОРИХООС ӨӨР ТӨРЛИЙН ЯЛ ЭДЛҮҮЛЭЛТЭНД АНХААРАХ АСУУДАЛ” сэдэвт нээлттэй хэлэлцүүлгийг зохион байгуулахаар төлөвлөж бэлтгэж ажилдаа оржээ.