ХОРИХ АНГИЙН ҮЙЛ АЖИЛЛАГААТАЙ ТАНИЛЦАЖ ЯЛТНУУДАД ЯРИА, ТАНИУЛГА ХИЙЖЭЭ

Өвөрхангай аймгийн Хархорин сум дахь сум дундын прокурорын газраас 2016 оны 11 дүгээр сарын 30-ны өдөр Шүүхийн шийдвэр гүйцэтгэх Ерөнхий газрын харъяа Хархорин дахь Хорих 423 дугаар ангийн үйл ажиллагаатай танилцах явцдаа хорих ял эдэлж байгаа ялтнуудад "Гэмт хэрэг, зөрчлөөс урьдчилан сэргийлэх нь”, "Хорих ялаас хугацааны өмнө тэнсэн суллах асуудал”, "Зөрчлийн хор холбогдол” зэрэг сэдвүүдээр яриа таниулга хийжээ.

 

Яриа таниулга хийх явцад зарим ялтнуудын зүгээс хорих ангийн дотоод журам, хохирол төлбөрийн талаар, хугацааны өмнө тэнсэн суллагдах, ялын тооцооны талаар асуулт асууж, хариулт авсан байна.

2016 оны 11 дүгээр сарын байдлаар дээрх хорих ангиас тэнсэн суллах болон ял эдлэх дэглэм чангаруулах саналтай 56 ялтны хувийн хэрэг, материал прокурорт ирүүлснээс 8 ялтны хувийн хэргийг хорих ангид нь буцааж, 1 ялтны ял эдлэх дэглэмийг чангаруулах, 47 ялтныг хорих ял эдлэхээс хугацаанаас нь тэнсэн суллах асуудлыг шийдвэрлүүлэхээр холбогдох материалыг шүүхэд шилжүүлэн шийдвэрлэжээ.