ГЭР БҮЛИЙН ХҮЧИРХИЙЛЛЭЭС УРЬДЧИЛАН СЭРГИЙЛЭХ ЧИГЛЭЛЭЭР 1 САРЫН ХУГАЦААТАЙ ХӨТӨЛБӨР ГАРГАН АЖИЛЛАЖ БАЙНА

Сүхбаатар аймгийн Прокурорын газраас гэмт хэргээс урьдчилан сэргийлэх ажлын хүрээнд "Гэр бүлийн хүчирхийллийн ойлголт, түүнээс хэрхэн урьдчилан сэргийлэх нь" сэдвээр төрийн болон төрийн бус байгууллага, аж ахуйн нэгж, Ерөнхий боловсролын сургууль, цэцэрлэгийг хамруулсан 66 байгууллагад яриа, таниулга хийхээр 2016 оны 11 дүгээр сарын 20-ны өдрөөс эхлэн 1 сарын хугацаатай хөтөлбөр гарган хуваарийн дагуу ажиллаж байна.

Дээрх хөтөлбөрийн дагуу аймгийн Прокурорын газрын прокурорууд туслах ажилтнуудын хамт одоогоор 32 байгууллагын ажилтан, алба хаагчдад "Гэр бүлийн хүчирхийлэл”-ээс урьдчилан сэргийлэх, хамгаалах талаарх яриа таниулгыг бэлтгэн явуулжээ.

Энэхүү арга хэмжээ нь Гэр бүлийн хүчирхийллээс хамгаалах, урьдчилан сэргийлэх 14 хоногийн ажлын хүрээнд зохион байгуулагдаж байгаагаараа онцлог ажил болжээ.