ХЭРЭГ ЗӨРЧЛӨӨС УРЬДЧИЛАН СЭРГИЙЛЭХ, ХУУЛЬ ТОГТООМЖИЙГ СУРТАЛЧЛАХ ЗОРИЛГООР ЯРИА ТАНИУЛГА ХИЙЖЭЭ

Ховд аймгийн прокурорын газраас гэмт хэргээс урьдчилан сэргийлэх ажлын хүрээнд 2016 оны 11 дүгээр сарын 25-28-ны өдрүүдэд туслах прокурор Ж.Отгончимэг Ховд аймгийн Онцгой байдлын газрын ажилтан, албан хаагчдад, туслах прокурор Г.Баяраа тус аймгийн Жаргалант сумын Тамгын газар, багуудын Засаг дарга, нийгмийн ажилтан, хэсгийн байцаагч нарт, хяналтын прокурор Ш.Сувд-Эрдэнэ "Политехник” коллежийн багш, ажилтан албан хаагч, оюутнуудад гэмт хэрэг зөрчлөөс урьдчилан сэргийлэх, хууль тогтоомжийг сурталчлах зорилгоор яриа таниулга хийжээ.

 

Мөн энэ үеэр "Гэр бүлийн хүчирхийллийн эсрэг хамтдаа” сэдвээр сургалт зохион байгуулж гэр бүлийн хүчирхийллийн хэлбэр, шалтгаан нөхцөл, түүнээс урьдчилан сэргийлэх талаар мэдээлэл өгч харилцан ярилцсан байна.