СУРАГЧДЫН ЭРХ ЗҮЙН МЭДЛЭГИЙГ СОРЬЖЭЭ

 

Хэнтий аймгийн Бор-Өндөр сум дахь Сум дундын прокурорын газрын 2016 оны 4 дүгээр улирлын төлөвлөгөөнд тусгагдсаны дагуу Гэмт хэргээс урьдчилан сэргийлэх ажлын хүрээнд, прокурорын байгууллагын үйл ажиллагааг олон нийтэд сурталчлах, хуулийн зохих мэдлэг олгох зорилгоор 2016 оны 11 дүгээр сарын 30-ны өдөр Хэнтий аймгийн Бор-өндөр сумын "Бор-Өндөр” цогцолбор сургуулийн ахлах ангийн сурагчдын дунд "АХА” тэмцээнийг амжилттай зохион байгуулжээ.

Тэмцээнийг Прокурорын байгууллагын тухай хууль, Гэмт хэргээс урьдчилан сэргийлэх тухай хууль, Архидан согтуурахтай тэмцэх тухай хууль, Тамхины хяналтын тухай хууль, Хүүхдийн эрхийг хамгаалах тухай хууль, танин мэдэхүй зэрэг сэдвүүдийн хүрээнд зохион байгуулсан ба 9-10 дугаар ангийн нийт 48 хүүхэд хамрагджээ.