ГЭМТ ХЭРГЭЭС УРЬДЧИЛАН СЭРГИЙЛЭХ АЖЛЫГ ЭРЧИМЖҮҮЛЭХ ЗОРИЛГООР ГОВЬСҮМБЭР АЙМГИЙН БАЯНТАЛ, ШИВЭЭГОВЬ СУМДАД АЖИЛЛАЖЭЭ

 

Говьсүмбэр аймгийн Прокурорын газраас Прокурорын байгууллагын үйл ажиллагааг олон нийтэд хүргэх, Гэмт хэргээс урьдчилан сэргийлэх ажлыг эрчимжүүлэх зорилгоор график, төлөвлөгөө гарган ажиллаж байна. Графикийн дагуу  Аймгийн прокурорын туслах прокурор, Тамгын хэлтсийн дарга Ц.Роза, хяналтын прокурор Э.Нямбилэгт, туслах ажилтан Ч.Хишигбаатар нар Баянтал, Шивээговь сумдад ажиллажээ. 

Тус сумдад ажиллах хугацаандаа нутгийн захиргааны байгууллага, түүний удирдлага, иргэд хөдөлмөрчдөд Монгол Улсын Прокурорын байгууллагын зорилт, өөрчлөлт, шинэчлэлт, аймгийн прокурорын газраас 2016 оны эхний 06 сарын байдлаар  Гэмт хэргээс урьдчилан сэргийлэх чиглэлээр хийсэн ажлын талаар мэдээлэл хийж,  иргэдийн санал хүсэлтийг сонсож газар дээр нь зарим асуудлыг шийдвэрлэж ажиллажээ.

Нийт 65 албан хаагч, иргэдтэй уулзаж санал хүсэлтийг сонссон ба гэмт хэрэг, зөрчлөөс урьдчилан сэргийлэх чиглэлээр бэлтгэсэн гарын авлага материалыг тараасанб айна. Мөн дээрх 2 сумын Гэмт хэргээс урьдчилан сэргийлэх ажлыг зохицуулах орон тооны бус салбар зөвлөлийн 2015, 2016 оны ажлыг шалгаж, үнэлэлт дүгнэлт өгчээ.