ХУГАЦАА СУНГАСАН ХЭРГҮҮДИЙГ ШУУРХАЙ ШИЙДВЭРЛЭХ ЧИГЛЭЛЭЭР ХАМТАРСАН УУЛЗАЛТ, ЗӨВЛӨГӨӨН ЗОХИОН БАЙГУУЛАН АЖИЛЛАЖ БАЙНА

Өвөрхангай аймгийн прокурорын газраас хугацаа сунгасан хэргүүдийг шуурхай шийдвэрлэх чиглэлээр прокурор, мөрдөн байцаагчид 7 хоног бүрийн 2 дахь өдөр бүр хамтарсан зөвлөгөөн, уулзалт хийж, хэрэг шийдвэрлэгдэхгүй удааширч байгаа шалтгаан, нөхцлийг тогтоон, шуурхай шийдвэрлэх талаар удирдлага зохион байгуулалтын арга хэмжээ авч ажиллаж байна.

 

Уулзалт, зөвлөгөөнөөр хугацаа сунгасан хэрэг нэг бүрийг хэлэлцэж, өмнөх зөвлөгөөн, уулзалтаас өгсөн үүрэг даалгавар, шийдвэрийн биелэлттэй танилцаж, цаашид хийгдвэл зохих ажиллагаануудыг тодорхойлж, тухайн хэрэг шийдвэрлэхэд тулгамдаж байгаа асуудлын талаар  чиглэл, заавар өгч, хугацаа сунгагдан шалгаж байгаа хэргүүдийг шийдвэрлэх арга хэмжээ авч ажиллаж байгаа ажээ.