ПРОКУРОРЫН БАЙГУУЛЛАГЫН \"БИЕИЙН ТАМИР СПОРТЫН ЗААЛ\"-НЫ ҮЙЛ АЖИЛЛАГААГ НЭЭЛЭЭ

  1. 2016-12-09
  2. Архив,
  3. 940 уншсан
  4. 1 минут уншина
A- A A+
ПРОКУРОРЫН БАЙГУУЛЛАГЫН \

Монгол Улсын Ерөнхий прокурорын 2016 оны 03 дугаар сарын 15-ны өдрийн А/23 дугаар тушаалаар прокурорын байгууллагын нийт прокурор, ажилтнууд, ахмадуудын нийгмийн баталгааг хангах, тэдэнд нийгмийн халамж үйлчилгээ үзүүлэх, эрүүл мэндийг нь хамгаалах, тэднийг болзошгүй өвчнөөс урьдчилан сэргийлэх, эрүүл мэндэд нь сөрөг нөлөө үзүүлж байгаа хүчин зүйлсийг багасгах, ажиллаж, амьдрах орчин нөхцлийг бүрдүүлэх, амьдралын зөв дадал, хэвшлийг төлөвшүүлэх зорилгоор "Прокурор, ажилтны нийгмийн баталгааг хангах, эрүүл мэндийг хамгаалах хөтөлбөр”-ийг батлан хэрэгжүүлж байна.
Дээрх зорилтыг хэрэгжүүлэхтэй холбоотой цөөнгүй ажил, арга хэмжээ энэхүү хөтөлбөрт туссаны нэг нь "Ажлын байрны нөхцөл бололцоондоо тулгуурлан байгууллага дээрээ прокурор, ажилтан, ахмадууд чөлөөт цагаараа биеийн тамир, спортоор хичээллэх, бие бялдараа хөгжүүлэх, чийрэгжүүлэх зориулалт бүхий заал, өрөөтэй болох” гэсэн ажил юм. Энэхүү ажил, арга хэмжээний биелэлтийг хангах зорилгоор харъяа прокурорын газрууд нөхцөл бололцоондоо тулгуурлан санал, санаачилга гарган ажиллаж байна.Монгол Улсын Ерөнхий прокурор 2016 оны 11 дүгээр сарын 21-ний өдөр "Биеийн тамир, спортын заал ажиллуулах тухай” А/51 дугаар тушаал гаргасны дагуу архивын зориулалтаар ашиглаж байсан заалыг биеийн тамир, спортын заал болгон засварлаж,  заалныхаа үйл ажиллагааг нээлээ. Нээлтийн арга хэмжээний үеэр Улсын Ерөнхий прокурорын газар, Нийслэлийн Баянзүрх, Чингэлтэй, Сонгинохайрхан дүүргийн прокурорын газрын сагсан бөмбөгийн эрэгтэй, эмэгтэй багууд нөхөрсөг тоглолт хийлээ.