ГЭМТ ХЭРГИЙН ШИНЖТЭЙ ГОМДОЛ, МЭДЭЭЛЭЛ БҮРТГЭГДЭН ШАЛГАСАН ТОХИОЛДОЛД ДҮГНЭЛТ ХИЙЖ СУРГАЛТ, ЗӨВЛӨГӨӨН ЗОХИОН БАЙГУУЛЖЭЭ

 

Говьсүмбэр аймаг дахь Уул уурхайн жишиг сургууль болох Политехникийн коллежийн оюутнуудаас ахуйн хэрэглээний газ үнэрлэж мансуурсан, хоорондоо зодолдож маргалдсан талаархи гэмт хэргийн шинжтэй гомдол, мэдээлэл бүртгэгдэн шалгасан тохиолдол сүүлийн үед ихсэх хандлагатай байгаад Говьсүмбэр аймгийн прокурорын газраас дүгнэлт хийж Гэмт хэргээс урьдчилан сэргийлэх ажлыг хүрээнд 2016 оны 12 дугаар сарын 06-ны өдөр орлогч прокурор Б.Мөнхдөл, Эрүүл мэндийн газрын мэргэжилтэн Н.Тунгалаг, Г.Түвшинбат, Цагдаагийн хэлтсийн Эрүүгийн цагдаагийн тасгийн эрүүгийн төлөөлөгч Тэлмэн нарын бүрэлдэхүүнтэйгээр 1, 2-р курсийн 100 гаруй багш, сурагчдад , сургалт, зөвлөгөөнийг зохион байгуулжээ.

Ингэхдээ 2002 оны 11 дүгээр сарын 28-ны өдөр батлагдсан "Мансууруулах эм, сэтгэцэд нөлөөт бодисын эргэлтэд хяналт тавих тухай” хууль, "Архи, тамхи шинэ үеийн сонголт биш”, "Монгол Улс дахь хар тамхи, мансууруулах бодисын хууль бус эргэлтийн өнөөгийн нөхцөл байдал” сэдвээр сургалт явуулсан ба мөн зохилон үйлдэгддэг "Хүчиндэх /ЭХ-ийн 126 дугаар зүйл/, Бусдын эд хөрөнгийг хулгайлах /ЭХ-ийн 145 дугаар зүйл/, Бусдын эд хөрөнгийг дээрэмдэх /ЭХ-ийн 147 дугаар зүйл/, Танхайрах /ЭХ-ийн 181 дүгээр зүйл/” гэмт хэргүүдийн тухай ойлголт, уг гэмт хэргүүдээс хэрхэн урьдчилан сэргийлэх чиглэлээр мэдээлэл өгчээ