ГЭМТ ХЭРГЭЭС УРЬДЧИЛАН СЭРГИЙЛЭХ ЗОРИЛГООР НЭЭЛТТЭЙ ШҮҮХ ХУРАЛ ЗОХИОН БАЙГУУЛЖЭЭ

 

Өвөрхангай аймгийн Прокурорын газраас гэмт хэргээс урьдчилан сэргийлэх зорилгоор Сум дундын эрүүгийн хэргийн анхан шатны шүүхтэй хамтран 2016 оны 12 дугаар сарын 02-ны өдөр Уянга суманд сумын иргэдийг оролцуулсан нээлттэй шүүх хуралдаан зохион байгуулж Монгол Улсын Эрүүгийн хуулийн тусгай ангийн 153 дугаар зүйлийн 153.1, 181 дүгээр зүйлийн 181.3 дахь хэсэгт заасан гэмт хэрэг үйлдсэн О-д холбогдох хэргийг хэлэлцэн шийдвэрлэжээ.

Шүүх бүрэлдэхүүнд Өвөрхангай аймаг дахь Сум дундын эрүүгийн хэргийн шүүгч Х.Отгонжаргал, М.Мандахбаяр, Д.Цэцэгээ нар, Улсын яллагчаар хяналтын прокурор Б.Мөнгөншагай, шүүгдэгчийн өмгөөлөгчөөр Б.Хандмаа нар оролцсон байна.