ЯЛТНЫ ЗАСРАЛ ХҮМҮҮЖИЛД ХЯНАЛТ ТАВИХ АЖИЛЛАГАА ХУУЛЬ, ЖУРМААР ТОГТООСОН ШААРДЛАГАД НИЙЦЭЖ БУЙ ЭСЭХИЙГ ШАЛГАЖЭЭ

Хорих ял эдлэхээс хугацааны өмнө тэнсэн суллагдсан, шүүхээс хорих ял нь тэнсэгдсэн, ял хойшлогдсон ялтны засрал хүмүүжилд хяналт тавих ажиллагаа хууль, журмаар тогтоосон шаардлагад нийцэж буй эсэхийгХовд аймгийн Прокурорын газраас 2016 оны эхний 10 сарын байдлаар шалгасан ба тус аймгийн хэмжээнд хорих ял нь тэнсэгдсэн өмнөх онуудын үлдэгдэл 11, 2016 онд шинээр хувийн хэрэг нээгдсэн 38 нийт 49 ялтан, насанд хүрээгүй этгээдэд хорих ял оногдуулсан шүүхийн шийтгэх тогтоол биелүүлэхийг хойшлуулсан 4 ялтан хяналтад авагдсан байх ба дээрх 49 ялтнаас хорих ял эдлэхээс хугацааны өмнө тэнсэн суллагдсан 9 шүүхээс хорих ял нь тэнсэгдсэн 40 байна.

Шалгалтын явцад 9 төрлийн зөрчил илэрсэн бөгөөд дүнг Прокурор, Цагдаагийн газрын албан тушаалтнуудын хамтарсан хурлаар хэлэлцүүлж, зөрчлийг засуулахаар аймгийн Цагдаагийн газарт прокурорын шаардлага, Шүүхийн шийдвэр гүйцэтгэх албанд албан тоот тус тус хүргүүлж ажиллажээ.