ХАРУУЛ ХАМГААЛАЛТЫН АЖИЛТНУУД СУРГАЛТАД ХАМРАГДЛАА

Улсын Ерөнхий прокурорын 2015 оны 05 дугаар сарын 29-ний өдрийн А/63 дугаартай тушаалаар батлагдсан "Прокурорын байгууллага, прокурор, ажилтны аюулгүй байдлыг хангах журам”-ыг хэрэгжүүлэх ажлын хүрээнд Орхон аймгийн прокурорын газраас санаачлан 2016 оны 12-р сарын 09, 13-ны өдрүүдэд Тагнуулын Ерөнхий газрын харъяа Орхон аймаг дахь Тагнуулын газар болон "Бамбай дохиолол, харуул хамгаалалтын алба”-тай хамтран харуул, хамгаалалтын ажилтнуудад сургалт зохион байгуулжээ.

Сургалтыг "Харуулхамгаалалтын ажилтнуудадтавигдах шаардлага, гүйцэтгэх үүрэг, хориглох зүйлс болон цаашид анхаарч ажиллах асуудал” сэдвээр зохион байгуулан явуулсан ба сургалтын дараа Тагнуулын Ерөнхий газрын харъяа Орхон аймаг дахь Тагнуулын газарт очиж харуул хамгаалалтын ажилтны үүргээ гүйцэтгэж буй байдалтай газар дээр нь танилцжээ.

Энэхүү ажил нь харуул хамгаалалтын ажилтнуудын ажил үүргээ гүйцэтгэх ур чадвар, сонор сэрэмжийг дээшлүүлэх, прокурорын байгууллага, прокурор, ажилтны аюулгүй байдлыг хангахад чиглэгдсэн үр дүнтэй ажил болжээ.