“ГЭР БҮЛИЙН ХҮЧИРХИЙЛЛИЙН ЭСРЭГ” СЭДЭВТ АРГА ХЭМЖЭЭ ЗОХИОН БАЙГУУЛЖЭЭ

  1. 2016-12-22
  2. Архив,
  3. 644 уншсан
  4. 1 минут уншина
A- A A+
“ГЭР БҮЛИЙН ХҮЧИРХИЙЛЛИЙН ЭСРЭГ” СЭДЭВТ АРГА ХЭМЖЭЭ ЗОХИОН БАЙГУУЛЖЭЭ

Налайх, Багахангай дүүргийн прокурорын газар, Багахангай дүүргийн Гэмт хэргээс урьдчилан сэргийлэх зөвлөл, Цагдаагийн хэлтэс хамтран 2016оны 12-р сарын 16-ны өдөр "Гэр бүлийн хүчирхийллийн эсрэг” сэдвээр уралдаан, тэмцээн зохион байгуулжээ.

 

Тэмцээнд Багахангай дүүргийн 44-р цэцэрлэг, Эрүүл мэндийн төв, Соёлын ордон зэрэг байгууллагуудын ажилтнууд оролцож шүүгчээр Багахангай, Налайх дүүргийн прокурорын газрын хяналтын прокурор С.Эрдэнэбаяр, Дүүргийн гэмт хэргээс урьдчилан сэргийлэх ажлыг зохицуулах зөвлөлийн нарийн бичгийн дарга Т.Ариунболд, Хүүхэд, гэр бүлийн хөгжлийн төвийн мэргэжилтэн Ш.Дуламсүрэн нар ажиллажээ.

Тэмцээний үеэр Багахангай дүүргийн цагдаагийн тасгаас гэр бүлийн хүчирхийллийн талаар болон архидан согтуурахтай тэмцэх асуудлаар мөрдөн байцаагч, цагдаагийн ахлах дэслэгч Д.Оюундаваа мэдээлэл хийсэн байна.