ҮЗҮҮЛЭХ ШҮҮХ ХУРАЛДААН ЗОХИОН БАЙГУУЛЖЭЭ

 

Булган аймгийн прокурорын газар, Булган аймаг дахь сум дундын эрүүгийн хэргийн анхан шатны шүүх хамтран 2017 оны 01 дүгээр сарын 23-ны өдөр Эрүүгийн хуулийн тусгай ангийн 215 дугаар зүйлийн 215.3 дахь хэсэгт зааснаар яллах дүгнэлт үйлдэж шүүхэд шилжүүлсэн Д-д холбогдох эрүүгийн хэргийг шүүхээр хянан хэлэлцэх "үзүүлэх шүүх хуралдаан”-ыг зохион байгуулж, тус прокурорын газрын хэрэг бүртгэх, мөрдөн байцаах ажиллагаанд хяналт тавих хяналтын прокурор улсын яллагчаар оролцжээ.

Үзүүлэх шүүх хуралд тус аймгийн Эрүү, иргэн, захиргааны хэргийн анхан шатны шүүхийн шүүгчид болон тамгын хэлтсийн ажилтнууд, прокурорууд оролцож, хуульд заасан үндэслэл, журмын дагуу явагдаж байгаа эсэх, улсын яллагчийн байр суурь, мэтгэлзэх ур чадварыг хэрэгжүүлж буй байдалтай танилцсан нь үр дүнтэй ажил болжээ.