\"ХАР ТАМХИ, МАНСУУРУУЛАХ, СЭТГЭЦЭД НӨЛӨӨЛӨХ, БОДИСЫН ХЭРЭГЛЭЭ, ТҮҮНЭЭС УРЬДЧИЛАН СЭРГИЙЛЭХЭД БИДНИЙ ОРОЛЦОО ” СЭДЭВТ СУРГАЛТ ЗОХИОН БАЙГУУЛЖЭЭ

  1. 2017-02-13
  2. Архив,
  3. 567 уншсан
  4. 1 минут уншина
A- A A+
\

Сүхбаатар дүүргийн прокурорын газраас хүүхэд залуучуудыг "Хар тамхи, мансууруулах, сэтгэцэд нөлөөлөх, бодисын хэрэглээ, түүнээс урьдчилан сэргийлэх чиглэлээр тус дүүргийн нутаг дэвсгэрт байрлах Ерөнхий боловсролын сургуулиудын сурагч нарт энэ төрлийн гэмт хэргийн талаарх сургалтыг чанартай, хүртээмжтэй, шинэлэг, мэдээллийн хоцрогдолгүй хүргэхэд онцгойлон анхаарч Сүхбаатар дүүргийн Засаг даргын Тамгын газрын Төрийн захиргаа, удирдлагын хэлтэс, Цагдаагийн нэгдүгээр хэлтэстэй хамтран Ерөнхий боловсролын 2 дугаар дунд сургуулийн 10 дугаар ангийн 100 сурагчдад "Хар тамхи, мансууруулах, сэтгэцэд нөлөөлөх, бодисын хэрэглээ, түүнээс урьдчилан сэргийлэх бидний оролцоо” сэдэвт сургалтыг 2017 оны 01 дүгээр сарын 09-ний өдөр зохион байгуулжээ.

 

Энэ үеэр сурагчдад Хар тамхины хор уршгийг таниулсан гарын авлага тараасны гадна дүүргийн прокурорын газрын Хяналтын прокурор Э.Халиун болон Эрүүгийн төлөөлөгч цагдаагийн ахмад Б.Өлзийхутаг, дэслэгч Б.Тэлмүүн нар хичээл заасан нь цаг үеээ олсон, хүртээмжтэй ажил болсон талаар сургалтанд хамрагдсан сурагчид болон сургуулийн захиргаанаас талархал илэрхийлжээ.

Тус арга хэмжээнд дүүргийн Засаг даргын Тамгын газрын Төрийн захиргааны удирдлагын хэлтсийн Хууль зүйн тасгийн даргын албан үүргийг түр орлон гүйцэтгэгч П.Булганмаа, мэргэжилтэн Б.Булгантамир, Л.Баярцэцэг, дүүргийн Прокурорын газрын Хяналтын прокурор Э.Халиун, Б.Бат-Эрдэнэ, Цагдаагийн 1 дүгээр хэлтсийн Эрүүгийн төлөөлөгч цагдаагийн ахмад Б.Өлзийхутаг, дэслэгч Б.Тэлмүүн, Гэр бүл хүчирхийлэлтэй тэмцэх тасгийн ахлах ахмад Б.Мөнхзул, 2 дугаар сургуулийн нийгмийн ажилтан Б.Даваажаргал нар оролцжээ.