ГЭМТ ХЭРГЭЭС УРЬДЧИЛАН СЭРГИЙЛЭХ АЖИЛ ЗОХИОН БАЙГУУЛЖЭЭ

 

Завхан аймгийн прокурорын газраас аймгийн Цагдаагийн газартай хамтран Завхан аймгийн Тосонцэнгэл сумын цагдаагийн алба хаагчид болон ард иргэдэд 2017 оны 02 дугаар сарын 16-ны өдөр Завхан аймгийн хяналтын прокурор Б.Одонтуяа Прокурорын байгууллагын үйл ажиллагааг танилцуулсны гадна гэмт хэргээс урьдчилан сэргийлэх ажлын хүрээнд "Гэмт хэргээс урьдчилан сэргийлэх тухай хууль”, "Архидан согтуурахтай тэмцэх хууль”,2017 оны 2 сарын 01-ний өдрөөс дагаж мөрдөгдөж эхэлсэн "Гэр бүлийн хүчирхийлэлтэй тэмцэх тухай” хуулийн талаар танилцуулж ажилласан бөгөөд нийт 305 иргэн, алба хаагчид хамрагджээ.

Мөн Цагдаагийн газрын Гэр бүлийн хүчирхийлэл, хүүхдийн гэмт хэргээс урьдчилан сэргийлэх ахлах байцаагч цагдаагийн хошууч Л.Өлзийжаргал "Гэр бүлийн хүчирхийлэлтэй тэмцэх тухай” хуулийг нэг мөр хэрэгжүүлэх үүднээс тус сумын Засаг даргаар ахлуулсан багийн дарга, сургуулийн нийгмийн ажилтан, цагдаагийн хэсгийн байцаагч нарын бүрэлдэхүүнтэй хамтарсан баг байгуулж ажиллах талаар заавар зөвлөгөө өгч, цаашид хамтарсан багийн үйл ажиллагааг тогтмол хэрэгжүүлэн ажиллах талаар сургалт зохион байгуулжээ.