ПРОКУРОРУУДАД “ЯЛЛАХ ДҮГНЭЛТИЙН ХУУЛЬ ЗҮЙН ШААРДЛАГА, АРГАЧЛАЛ, АНХААРАХ АСУУДЛУУД” СЭДВЭЭР СУРГАЛТ ЗОХИОН БАЙГУУЛАВ

Баянгол дүүргийн прокурорын газраас Прокурорын байгууллагын удирдах ажилтны нэгдсэн сургалт, зөвлөгөөний үеэр Улсын Ерөнхий прокуророос өгсөн үүрэг, чиглэл болон Шүүхэд төрийг төлөөлөх ажил хариуцсан прокуроруудын нэгдсэн сургалт, зөвлөгөөнөөр өгсөн үүрэг чиглэлийн дагуу хяналтын ажлын чиглэлээр тусгай төлөвлөгөөнд тусгагдсан ажлын хүрээнд шат дараалсан сургалтуудыг зохион байгуулж явуулж байна.

 

Эхний сургалтыг Улсын Ерөнхий прокурорын газрын Шүүхэд төрийг төлөөлөх хэлтсийн хяналтын прокурор Г.Гэрэлтуяаг урьж 2017 оны 02 дугаар сарын 20-ны өдөр "Яллах дүгнэлтийн хууль зүйн шаардлага, яллах дүгнэлт бичих аргачлал, анхаарах асуудлууд” сэдвээр хийжээ.

 

 

Энэ үеэр тухайн дүүргийн прокуроруудын яллах дүгнэлт үйлдэхдээ гаргаж буй алдаа дутагдал, зөрчлийг жишээ баримтаар үзүүлэн дүгнэн хэлэлцсэн ба аргачилсан зааварт орсон нэмэлт өөрчлөлтүүд, "Яллах дүгнэлт”-ийн шинэчилсэн загвар зэрэг асуудлуудаар прокурорууд санал солилцон, харилцан ярилцаж идэвхтэй байдлаар оролцсон нь үр дүнтэй ажил болжээ.