СУРГАЛТ ЗОХИОН БАЙГУУЛЖЭЭ

Сонгинохайрхан дүүргийн прокурорын газраас санаачлан 2017 оны 03 дугаар сарын 14-ний өдөр Улсын Ерөнхий прокурорын газар, Байгаль Орчин, аялал жуулчлалын яамны хооронд байгуулсан хамтран ажиллах "Санамж бичиг"-ийг хэрэгжүүлэх ажлын хүрээнд Цэнгэг усны нөөц, байгаль хамгаалах төв, Сонгинохайрхан дүүрэг дэх Мэргэжлийн хяналтын хэлтэстэй хамтран Сонгинохайрхан дүүргийн нутаг дэвсгэрт ногоон бүс хариуцан хамгаалж буй Байгаль хамгаалагч нарт зориулсан "Байгаль орчинд үүсэх сөрөг нөлөөлөл болон түүнээс урьдчилан сэргийлэх нь” сэдэвт сургалтыг  зохион байгуулжээ.

Сургалтын арга хэмжээнд Цэнгэг усны нөөц, байгаль хамгаалах төвийн сургалт судалгааны дарга П.Цогтсайхан, мэргэжилтэн Ч.Монгол-Эрдэнэ, Мэргэжлийн хяналтын хэлтсийн улсын байцаагч М.Жавхлан, Сонгинохайрхан дүүргийн прокурорын газрын туслах прокурор Б.Отгончимэг, хяналтын прокурор О.Мөнхцэцэг нар оролцож "Ховордсон амьтдын хууль бус ашиглалт” "Дээд ургамал, ой мод хууль бус ашиглалт”, "Ойн тухай гэмт хэрэг, зөрчил” болон "Захиргааны хэрэг бүртгэлтийн ажиллагаа явуулахад анхаарах асуудал” сэдвүүдээр өөр өөрсдийн ажлын чиг үүргийн хүрээнд мэдээ, мэдээлэлөгчээ.