ГЭР БҮЛИЙН ХҮЧИРХИЙЛЭЛТЭЙ ТЭМЦЭХ ТУХАЙ ХУУЛИЙН ХЭРЭГЖИЛТИЙГ ХАНГАХ ЗОРИЛГООР СУРГАЛТ ЗОХИОН ЯВУУЛЖЭЭ

Дархан-Уул аймгийн прокурорын газраас Гэмт хэргээс урьдчилан сэргийлэх, хууль сурталчлах ажлын хүрээнд "Гэр бүлийн хүчирхийлэлтэй тэмцэх тухай” хуулийн хэрэгжилтийг хангах зорилгоор Ерөнхий боловсролын сургуулиудын нийгмийн ажилтнуудыг хамруулсан сургалтыг Аймгийн Цагдаагийн газрын хамтран 2017 оны 03 дугаар сарын 15-ны өдөр "Жигүүр" цогцолбор сургууль дээр зохион байгууллаа.

Сургалтыг Аймгийн прокурорын газрын Шүүхэд төрийг төлөөлөх ажил хариуцсан туслах прокурор Б.Сүрмандах, туслах ажилтан Б.Наранмөнх, Цагдаагийн газрын Нийтийн хэв журмыг хамгаалах тасгийн гэр бүлийн хүчирхийлэл, хүүхдийн гэмт хэргээс урьдчилан сэргийлэх байцаагч цагдаагийн ахмад Ж.Баярчимэг нар удирдан явуулсан ба хуульд нийцүүлэн гарсан холбогдох журмуудыг хэрхэн хэрэгжүүлж ажиллах талаар харилцан санал солилцжээ.