ХИЛИЙН МЭРГЭЖЛИЙН ХЯНАЛТЫН АЛБАНЫ БАЙЦААГЧ НАРЫН ЯВУУЛСАН 171 МАТЕРИАЛЫГ ХЯНАЖЭЭ

  1. 2017-03-27
  2. Архив,
  3. 408 уншсан
  4. 1 минут уншина
A- A A+
ХИЛИЙН МЭРГЭЖЛИЙН ХЯНАЛТЫН АЛБАНЫ БАЙЦААГЧ НАРЫН ЯВУУЛСАН 171 МАТЕРИАЛЫГ ХЯНАЖЭЭ

Дорноговь аймгийн Замын-Үүд дэх Сум дундын прокурорын газраас Замын-Үүд боомт дахь Хилийн мэргэжлийн хяналтын албаны улсын байцаагч нараас захиргааны зөрчлийн хэрэг бүртгэлтийн ажиллагаа явуулж буй хууль зүйн үндэслэлийг ахлах прокурорын баталсан удирдамжийн дагуу шалгажээ. Шалгалтыг 2016 оны 4 дүгээр улирлын байдлаар хийж, захиргааны зөрчлийн хэрэг бүртгэлтийн ажиллагаа явуулсан 171 материалыг хянаж танилцсан байна. Шалгалтаар улсын байцаагч нар нь "Амьтан ургамал, бодис бараа, бүтээгдэхүүнийг буцаах мэдэгдэл бичээд, улсын байцаагчид танилцуулж хянуулдаггүй, мөн зарим байцаагч нар нь буцаах мэдэгдэлд тэмдэг дараагүй, шийтгэврийн хуудас бичигдээгүй байхад торгуулийн мөнгийг тушаалгасан, торгуулийн хуудсны сар, өдөр засвартай, захирганы зөрчил гаргасан этгээдээс хураан авсан эд зүйлийг шийдвэрлэсэн талаарх баримт байхгүй" зэрэг нийтлэг зөрчлүүд илэрчээ

Шалгалтын дүнг Хилийн мэргэжлийн хяналтын албаны удирдлага, ахлах байцаагч, прокуроруудыг оролцуулан хийж, орон нутгийн "Халиун” кабель телевизд мэдээ өгч, илэрсэн зөрчил дутагдлыг арилгуулах, тодорхой ажил зохион байгуулах талаар прокурорын шаардлага хүргүүлж ажиллажээ.