Баян-Өлгий аймагт \"Амар мэндийн дуулал\" тоглолтыг зохион байгуулав

 

Баян-Өлгий аймгийн прокурор Т.Батсүхийн санаачлагаар тус аймаг дахь хууль хүчний байгууллагуудын уран сайханчдын нэгдсэн "Амар мэндийн дуулал" тоглолтыг аймгийн Хөгжимт драмын театртай хамтран зохион байгуулж, иргэд ахмадуудад үнэ төлбөргүй толилуулан хүргэжээ. Ийнхүү тус аймаг дахь, хууль, цэрэг цагдаагийн хүчний байгууллагууд өөр өөрсдийн хуулиар хүлээсэн чиг үүргээ  нэр төртэй биелүүлэхийн зэрэгцээ, үндэсний урлаг соёлоо хэрхэн хадгалж, хөгжүүлдэг, мэргэжлийн уран бүтээлчдээс дутахгүй гэдгээ үзэгч олонд харуулсан байна.  Энэ мэтчилэн урлаг уран сайхнаар дамжуулан ард иргэддээ төрийн байгууллагын ажлын онцлог, уялдаа холбоог давхар сурталчилан таниулах ажил цаашид идэвхитэй зохион байгуулагдаж байх ажээ.