ХУУЛЬ ТОГТООМЖИЙГ БУРУУ ХЭРЭГЛЭЖ ШИЙТГЭВЭР НОГДУУЛДАГ ЗӨРЧИЛ ИЛЭРЧЭЭ

  1. 2017-04-03
  2. Архив,
  3. 371 уншсан
  4. 1 минут уншина
A- A A+
ХУУЛЬ ТОГТООМЖИЙГ БУРУУ ХЭРЭГЛЭЖ ШИЙТГЭВЭР НОГДУУЛДАГ ЗӨРЧИЛ ИЛЭРЧЭЭ


 

Завхан аймгийн Прокурорын газраас аймгийн Мэргэжлийн хяналтын газрын захиргааны зөрчлийн хэрэг бүртгэх эрх бүхий албан тушаалтнуудаас явуулсан захиргааны зөрчлийн хэрэг бүртгэлтийн ажиллагаа хууль, тогтоомжид нийцэж байгаа эсэхийг 2016 оны 3, 4 дүгээр улирлын байдлаар шалгасан байна. Шалгалтаар захиргааны зөрчлийн хэрэг бүртгэлтийн ажиллагаа явуулсан нийт 34 материалыг прокуророос татаж хянажээ. Шалгалтын хүрээнд тус аймгийн Мэргэжлийн хяналтын газрын захиргааны зөрчлийн хэрэг бүртгэлтийн ажиллагаа явуулах эрх бүхий албан тушаалтнуудаас зөрчил гаргагч нарт хуульд заасан эрхийг бүрэн эдлүүлдэггүй, захиргааны шийтгэврийг давж заалдах, гомдол гаргах эрхийг нь бүрэн эдлүүлдэггүй, хууль тогтоомжийг буруу хэрэглэж шийтгэвэр ногдуулдаг зэрэг зөрчлүүд нийтлэг илэрсэн байна.

Шалгалтын дүнг Прокурор, Мэргэжлийн хяналтын газрын удирдлага, улсын байцаагч нарын хамтарсан зөвлөгөөнөөр хэлэлцүүлж, шалгалтаар илэрсэн алдаа зөрчлийг нэн даруй арилгуулах, цаашид дахин давтан гаргахгүй байхад чиглэсэн удирдлага зохион байгуулалтын арга хэмжээ авахуулахаар аймгийн Мэргэжлийн хяналтын газарт прокурорын шаардлага хүргүүлэн ажилласан нь үр дүнтэй ажил болжээ.